У выставачным цэнтры "Духаўскі круглік" 3 лістапада пройдзе адкрытая лекцыя "Віцебская інтэлігенцыя і ахова помнікаў даўніны" вядомага віцебскага краязнаўцы, выкладчыка, кандыдата гістарычных навук Мікалая Півавара.

Лекцыя будзе прысвечаная малавядомым ці забытым старонкам гісторыка-культурнага жыцця віцебскай інтэлігенцыі 1980–1990-х гг. Якім чынам ахоўваліся помнікі даўніны ў пасляваенным Віцебску? Якую ролю ў фармаванні сучаснай культурнай прасторы гораду адыграла грамадскасць? Што такое гісторыка-культурны клуб “Узгор’е”? Хто тыя людзі, якія першымі ўзнялі пытанні аб ўдзеле грамадскасці ў ахове помнікаў гісторыі і культуры, аб аднаўленні гістарычнай спадчыны? Якія чыннiкі найбольш ўплывюць на развіццё нашага культурнага асяроддзя? Што зроблена, што страчана, што можна зрабіць?

Відэа выступу і дыскусіі будзе пазней прадстаўлена на нашым сайце ў межах новай серыі пастоў "Лекцыі на Vitebsk4Me".