Краязнаўчая суполка “Таямніцы Віцебска” разам з моладзевым парталам vitebsk4me распачынае новы праект па гісторыі горада Віцебска  - “Віцебск. Сучасная гісторыя вачыма жыхароў.”  У рамках праекта плануецца вызначыць праблемныя храналагічныя тэмы (20-25 тэм), якія раскрыюць гісторыю горада пачынаючы з вызвалення Віцебска з-пад  нямецка-фашысцкай акупацыі і сканчваючы сённяшнім часам.

Для кожнай асобнай тэмы будуць выбраны людзі, якія жылі ў Віцебску ў азначаны час і былі актыўна ўключаны ў жыццё горада. З непасрэднымі ўдзельнікамі праекта будуць праведзены інтэрв’ю, якія будуць запісаныя і апрацаваныя валанцёрамі.  Пры гэтым плануецца прыцягнуць да супрацоўніцтва ня толькі звычайных гараджан, але і тых, якія ўплывалі непасрэдна на гісторыю горада.

Вы можаце стаць непасрэдным удзельнікам праекта ў якасці:

  - валанцёра  - збіраць і апрацоўваць інфармацыю, гутарыць з жыхарамі горада, а таксама самастойна даследваць адну з азначаных арганізатарамі тэм для напісання артыкулаў па гісторыі пасляваеннага  Віцебска;

- удзельніка – калі вам ёсць што распавесьці пра гісторыі горада – вы можаце зрабіць неацэнны ўнёсак у пашырэнне ведаў пра наш горад!

Змест праекта дапаможа раскрыць невядомыя старонкі гісторыі Віцебска і прыцягнуць увагу да мінулых і сучасных праблемаў горада.

Па выніках апытанняў будзе складзены мультымедыйны зборнік па гісторыі Віцебска, у які будуць уключаны ня толькі размовы з жыхарамі, але і відэа, фота-матэрыялы, афіцыйныя дакументы  па гісторыі азначанага перыяду.

Па выніках складання зборніка плануецца правесці афіцыйную прэзентацыю вынікаў даследвання. Праект будзе рэалізоўвацца з верасня па снежань 2011 года. Заяўкі на ўдзел конкурса вы можаце дасылаць па адрэсе vitebskhistory@gmail.com да 20 кастрычніка.

У вас ёсць унікальны шанец  ня толькі паўдзельнічаць у цікавым гістарычным праекце, ня толькі развіць свае здольнасці даследчыка, але і ўпісаць сваё імя ў гісторыю нашага славутага горада. Далучайцеся!!!

Інфармацыю аб ходзе праекта глядзіце ў суполцы Таямніцы Віцебска

Сувязь з арганізатарамі: тэл. 8-029-8940517

Фатаграфія да артыкула: суполка  Таямніцы Віцебска