Зборнік моладзевых прац "Замкі Віцебска: старонкі славутай гісторыі" пасля выпраўленняў з'явіўся ў вольным доступе. Спампануць iso-вобраз вагой 406 мб можна па спасылцы. Файл зборніка ў Total Commander выглядае і працуе як звычайны архіў накшталт .rar альбо .zip, каторы можна вывалач у асобную папку, запісаць на дыск альбо запусціць праз эмулятар. Для людскога прагляду запускаецца файл zamki_win.exe і паехала...

Сярод кантэнта вы знойдзеце багата ілюстраваныя тэксты маладых людзей, прысвечаныя замкаваму мінуламу нашага горада. Як і кім будаваліся віцебскія замкі? Дзе яны знаходзіліся? Каго і ад каго абаранялі? Як выглядалі? Як жылі іх насельнікі? І дзе, урэшце, цяпер тыя фартэцыі? Да тэкстаў дадзеныя відэарэпартажы з удзелам прафесійных гісторыкаў і археолагаў.

Нагадаем, зборнік "Замкі Віцебска: старонкі славутай гісторыі" выдадзены па выніках правядзення аднайменнага моладзевага конкурсу, які праводзіўся ў Віцебску на пачатку 2011 г.