Яшчэ  тыдзень таму Віцебск мог пахваліцца сапраўдным хостэлам у цэнтры горада. На сённяшні дзень памяшканне на перакрыжаванні вуліц Крылова і Суворава вольнае.  Куды знік "Hostel Jazz"? Дзе зараз можна эканамічна спыніцца ў Віцебску?  Уладзімер Рамановіч, дырэктар ТАА “Панскі дом”, пракаментаваў сітуацыю з хостэлам ў Віцебску.

- Куды знік “Hostel Jazz” ?

- Hostel Jazz  зачыніўся, бо мы вырашылі перанесці большую частку нашага бізнесу ў Менск. Аднак зусім з Віцебску мы не з'ехалі: па адрэсе пр. Люднікава, 17, расчыніў свае дзверы міні-хостэл. Гэта чатырохпакаёвая ўтульная кватэра, разлічаная на пражыванне 7 чалавек. Акрамя асобных пакояў для пастаяльцаў тут ёсць адзін агульны, з тэлевізарам. Кошты ў міні-хостэле складаюць  50.000 БР за суткі. Прадугледжаны знічкі для студэнтаў. Напрыклад, тыдзень пражывання складае каля 4 эўра ў дзень. Плату прымаем у беларускіх рублях па курсе НБ РБ, што, згадзіцеся, зручна. Зразумела, у хостэле могуць спыняцца і музыкі, аднак паводзіць сябе прыйдзецца прыстойна: навокал жылыя кватэры. Урачыстага канцэрту адкрыцця міні-гатэля пакуль не плануем: усе на адпачынку. А вось у верасні, напэўна, штось і зробім.

Як я ужо раней казаў, большая частка нашага бізнеса пераносіцца ў Менск. Там мы здымаем трохузроўневую кватэру па вуліцы Мазырскай, што ў раёне Камсамольскага возера (гэта 20 – 30 хвілін на трамвае да цэнтра гораду). Крамы, медцэнтр – усё побач.У самім хостэле, акрамя канкрэтна начлегу, можна будзе пайграць у дартс, твістар ці настольны футбол. На трэцім паверсе будзе размяшчацца пляцоўка для правядзення канцэртаў (штось накшталт віцебскага “Чердачка”). Наогул, правобразам менскага Hostel Jazz  можна лічыць кватэру Монікі з серыялу “Friends”, дзе ўсё жыхары жывуць адной  вялікай сям'ей. Урачыстае адкрыццё Hostel Jazz  у Менску плануецца на канец ліпеня – пачатак жніўня. Для спрашчэння рэгістрацыі ў хостэлах (як у Менску, так і у Віцебску) мы плануем стварыць суполку ў сацыяльнай сетцы vkontakt.ru. Таксама прадугледжана сістэма зніжак.

 Суполка Hostel Jazz  у Менску: http://vkontakte.ru/hostel_jazz

vizh