Легенда беларускага джазу “Apple Tea” і ўлюбёнка нью-ёркскіх клубаў Tessa Souter ўпершыню парадуе сваім чароўным голасам віцебскую публіку 13 лютага ў Віцебскай абласной філармоніі на канцэрце "Натхненне і энергія джазу".

Вакалістка, кампазітар і паэтка з Нью-Ёрка прыўносіць у амерыканскі джаз душу і натхненне фламенка, індыйскай музыкі і музыкі Сярэдняй Азіі. "Няма нічога, што не магла б здзейсніць Тэса",— дзеліцца ўражаннямі джазавы крытык Уіл Фрыдвальд. "Адно з самых уражваючых выступаў за апошні час" — піша газета "Лос-Анджэлес Таймс", захапляючыся каліфарнійскім дэбютам спявачкі ў 2002 годзе.

Тэса спявае з трох год. Але толькі ў 1996 будучая вядомая спявачка прыехала ў Нью-Ёрк, дзе пачала наведваць рэпетыцыі джазавых музыкантаў. Гэта настолькі ўразіла Тэсу, што ў 1998 годзе яна атрымала стыпендыю ў нью-ёркскай школе музыкі ў Манхэтане (Manhattan School of Music), паралельна спявачка займалася джазавым вакалам у легендарнага вакаліста Марка Мэрфі. З тых часоў гастрольныя маршруты Тэсы Сутар прасціраюцц ад Нью-Ёрка і Лондана да Масквы, дзе ў 2007 годзе адбыўся яе першы выступ перад палутаратысячнай аўдыторыяй Маскоўскага Міжнароднага дома музыкі. 

Падрабязнасці пра канцэрт глядзіце тут
.